Denne boka gjev eit oversyn over norske dialektar. Det dreier seg om dei norske målføra slik dei har vakse fram frå norrønt og opp mot vår tid. Den språkhistoriske utviklinga bak dialektsærdraga står sentralt i framstillinga. I tillegg blir det lagt vekt på å visa det grammatiske systemet i dagens talemål.
Språksystemet i dialektane blir heile vegen samanlikna med grammatikken i bokmål og nynorsk. Forfattaren peikar her på likskapar og ulikskapar talemålet og skriftmålet. Han drøftar også årsakene til at talemålet endrar seg, og gjev opplysningar om dialektutviklinga i Noreg dei siste tiåra.
Fleire disiplinar i norskfaget er med i framstillinga, både norrønt, målførekunnskap, språkhistorie og språknormering, og boka dekkjer mykje av det me kan kalla den indre språkhistoria i norsk. Mest vekt blir det likevel lagt på geografisk variasjon j norsk talemål. Eit stort utval med dialektgeografiske kart og eit rikhaldig emneregister høyrer med.
Boka er meint å kunna brukast som lærebok eller hjelpebok i målførekunnskap og språkhistorie for studentar som studerer norsk språk på universitet og høgskolar. Heile boka, eller delar av ho, er relevant som pensum på ulike nivå i norskstudiet. Boka vil dessutan høva godt som oppslagsbok for alle som er interesserte i norske dialektar, norsk språkhistorie og språknormering.
