'Ragnhild-trilogien' er eit hovudverk i Olav Duuns dikting - eit storfelt verk om det innfløkte tilhøvet mellom godt og vondt i menneskelivet.
Trilogien skildrar menneska på ein norsk gard - den lysande gode ungkona Ragnhild, mannen hennar Håkon og svigerfaren, Didrik Dale, ein inkarnasjon av vondskap. Gjennom dei tek forfattaren opp eit spørsmål som står sentralt i all etisk tenking: Kan det vere rett å drepe eit menneske for å berge eit anna?
